المصباح ،،

لقيت الفانوس مرة ودعكته          طلعلى عفريت قاللى شبيك لبيك
قلت خلاص الذل أنا ودعته         ويا عفريت بالطلبات هاهريك
قالى هأوأو يا إنسان                   دانا العفريت بن الجان
ما يهمنيش مكان وزمان              واطلب وعندى البرهان
قلتله عاوز قمح زُرع فى مصر     ومسؤولين يبطلوا فشر
وحكومة متعصرنيش عصر        ومرتب يسترنى لآخر الشهر
وعاوز عيش بدون طوابير           وحكومة ضد التبذير
وانتخابات من غير تزوير            ورئيس سابق أشوفه كتير
وعاوز فى بيتى كيلو دقيق            وسبب مقنع لأى حريق
ومجلس شعب بدون تصفيق          وفى كأس العالم لينا فريق
وعاوز أزور شرم الشيخ              وصباعين كفتة اللى فى السيخ
وأشرب مرة عصير بطيخ            وأخرج من القسم بدون تلطيخ
ونفسى الضحكة ترجع تانى            وحتة لحمة كندوز أو ضانى
وجنيه مصرى زى البرانى           ورصيف للمشى أنا وخلاّنى
رد العفريت عليا بغشم                 وقال يا مصرى ماكنش العشم
بص.. أنا ممكن أنقل لك الهرم           واسدلك الأوزون اللى اتخرم
وأرجعلك الأكل اللى اتهضم           وأعملك بقرة من الغنم
وأعملك قصر من العدم                وأقولك معنى شرم برم
بس طلباتك طلبات ملموس            عقله خلاص أكله السوس
ده تخطيط يا بنى ومدروس            إنك تعيش على طول موكوس
وأحنا بناخد منكوا دروس              إزاى نخلى العفريت متعوس
ويا رب ترجعنى تانى الفانوس        وزى بعضه أعيش محبوس
بدل ما أخرج واتبهدل زيك            وأعيش موكوس على متعوس

" حفلة تنكرية "

"انا :ايه ده انت لسه معملتش تويتر ؟! هو:ايه تويتر ده !! " انه التويتر ذلك العالم الذي تتقابل فيه اشخاص سواء بشخصيتهم الحقيقية او الافتراضية ، عالم واسع بيشترك فيه كل الناس عشان تعرف تعبر عن رأيها او تفكيرها و بنعرف فيه ناس كتير عن شخصيات كلها مختلفة

#بالرغم ان التويتر بيوفر حريات كثيرة مش موجودة في مواقع تانية ، الا انه غامض لأن الاشخاص اللي بيشتركوا فيه معظمهم لا انت تعرفهم ولا شفتهم قبل كده ، و عنوان الشخص ده تستخلصه من صورته و بتعرف شخصيته اكتر من طريقة التعامل و من اخلاقه اللي بتظهر في الكلام .

#في ناس جاية تويتر مخصوص عشان تطلع الشخصية المدفونة جواها ، و القصة انه بقي اسلوب و نهج كل شخصية بترغب في الشهرة موجودة علي تويتر و الامثلة كثيرة طبعا ، يعني في اللي جاي يستهبل ، يستغل ، يسخر و يتٌنك .... الخ

#ليه بقول حفلة تنكرية تويترية ! لأن معظم الاشخاص بتختار القناع المناسب لشخصيتها اللي بيقدر يخفي منه شخصيته الحقيقية ، بأختلاف المواقف اللي بتمر فيها الشخصية دي القناع بيتغير طبعا ، يعني بيبقوا عاملين زي الحرباء لما بتتلون كده لازم تعمل ( blending ) في المكان اللي هتبقي فيه .
 اكيد مش هقدر اجمعلكم انواع الشخصيات في تويتر ، بس هتكلم عن انواع دايما بتبقي في التايم لاين بتاعك ( جميعهم و ليس كلهم ) ، *التنك : كائن بيتكابر علي جميع خلق الله حتي الكلب اللولو بتاعوا (متفهمنيش غلط) وغذلء الكائن ده انك تنفخ فيه ( مش من الخرم ده يا ثافل) يعني تقوله انت برنس ، مقطع السمكة و ال ASS بتاعتها ، *الكائن الممحون (المنحنح) : و ده بيدور علي اي صورة في تيوتر +18 و " Fab Fab Fab Fab " → sound effect و هذا كائن طري (سيس يعني)
ناس هدفها فشخرة و تريقة علي خلق الله و هم فيهم كل العبر ، في ناس بتبينلك انها مبسوطة ولكن للأسف جواهم اوجاع الدنيا ، و ناس شغالة تفريش (مش ده يا ابو تفكير ذنخ ) اللي هو بيرمي كلام تثبيت و مجاملة عشان يلم الناس حواليه ،، و ناس تانية بتدور علي اصحاب بجد بدل الصحاب اللي اتخم فيهم و ضحكوا عليه ، و ناس تانية مقضياها رومانسية و جو شليلية (جمع شله متندهش ) و جو ثوما العاشق ولا حتي مهند الجيل(افندي) ، وناس تانية بيفرح بلمة النسوان حواليه و بيقضيها نسوان في المنشنز و ال DM (يا فرحة امك بيك يا خ**)
كل واحد له هدف و دور جاي تويتر عشانه يعمل ايه و عاوز ايه منه ، متقنعنيش انك جاي تويتر من غير هدف ! سواء بقي اهداف شريفة او مش شريفة ( شريفة دي تبقي خالتك) , علي فكرة كل الشخصيات اللي اتكلمت فيها دي عن تويبات حقيقية ،ناس عندي و عندك في تويتر ، الناس اللي بتغير من شكلها ولا طريقة كلامها ، و في الاخر الناس بقي اللي جات و شافت كل ده و سابوا الحفلة و قالوا ان بالنسبة ليهم انه يعيش واقع مرير عن حقيقية زائفة ......

بقلم @al_kashef و @Papilovitch

" ارجوكي متقلعيش " بقلم @Papilovitch

"القلع" ظاهرة شاذة انتشرت في الحياه التويترية والفيسبوكية وتحولت من انترنت الى واقع (ملموس) متفهمنيش غلط
اه قلعَ مستغربة انتي من العنوان حضرتك ؟؟ علي فكرة السؤال للمؤنث السالم ، عامة هي ظاهرة تفحشت في مجتمعنا بشكل غير طبيعي ، فلقت المجتمع ده نصين (نص بيقلع و نص مبيقلعش) . واحنا يا عينى مابين الاتنين يا نبص يا نبص برضو P:

فعلا ! عنوان غريب صح أمزمزيل ؟ متستغربيش لأن ده فعلا اللي بيحصل . الوهم اللي بقي عند البنت الشرقية عامة مش هحدد جنسيات (if you know what i mean ) وطبعا في ناس تخصص قلع و هم عارفين نفسهم ، "انت : طب انا معرفهمش ؟؟ ، انا :اعتبرها اختك يا اخي طال عمرك "

انتى ممكن تكونى جميلة وانتى بلبوصة وجذابه فى عيون ناس كتير بس في الاخر انتى لو جميلة ف في الاجمل والاحلى منك ومحترمة برضو ودى فى الاخر اللى بتكسب دنيا واخرة ف الاحسن ليكى انك تقلدى الحاجه الحلوة احسن من انك تقلدى حاجه وحشة والمشكلة انك بتعملى كده علشان تسمعى شوية كلام حلوين من كام شاب افتكرى انك هتتحاسبى لوحدك محدش فدول هيكون معاكى !

بس الغريب بقي لما تيجى تسألها انتى ليه بتعملى كده او ايه وجهة نظرك في كده ؟ تيجى وبكل بساطه تقول " الناس حابينى بشكلى كده " اصلها متعرفش ان فيه بنى ادمين اليومين دول بيجاملوا لا وايه دول اساتذة فى النفاق بينافقوها علشان يشوفوا اللى هما عيزنه وخلاص دا بنسبه للشباب اما بنسبه للبنات ممكن بيعملو كده من باب الغيرة واشمعني دى عاملة كده وانا معملش لية كده واقلدها وفى بنات تانى مش عندها اى ثقة فى نفسها ف الحل انها تكون بلبوصه حل جميل وجذاب .

فعلا انا مش مندهش ان ده بيحصل في مجتمعنا الشرقي انتي مندهشة !! ابتااا !!! ، متقوليش بقي open minded بأوسخ جزمة فيكي يا مصر و علي دماغك ، انا مش مندهش لأنهم قالعين في كل حته في facebook , twitter, ....ETC (etc يعني الخ) وزى ما قولت ان الموضوع دا انتشر في الشوارع ولبس البنات اييييوه لبس البنات اليومين دول بقي مجسم 3D واحنا يا عينى مابين الاتنين يا نبص يا نبص برضو P:

"بس يا سيدي شفتلها صورة امبارح سووووو شيكسي " وده ملخص حوار بين اتنين tweep علي تويتر , ده اللي بيحصل في تويتر و سط حالة من هيجان الفلورز الغير عادي و بيحلموا يا تري هتقلع ايه بكرا !!

القلع ده وسيلة رخيصة لأستجذاب ناس ارخص من اللي بتستعمل الوسيلة نفسها بأنها تعرري نفسها في سبيل حفنة من ال friends او ال followers
والله صدق لما فنانا العظيم سعيد صالح قالها (كل ما تتزنق اقلع ) ، بالنسبة للبنت كل ما تقلع العدد بيزيد ، اللي بيجنني اكتر انه بقي obsession ليهم ،، ابسط مثال شوفوا الجيل اللي طالع بيلبسوا اشي المحزق و الملزق و الفيزون و الاسكيني و غيره و غيره

موضوع مش بدأ و بس الموضوع انتشر خلاص في مجتمعنا ,, بس مش بالقلع علي فكرة تسكبي الناس اكتر ، لأ ارضي ربك ، متعمليش اللي يغضبه مهما كان صغير ، هيجيلك ناس اكتر ما كنتي بتقلعي ، 

ونصيحه مننا ليكى "ارجوكي متقلعيش" 

بقلم

 @Papilovitch

 

انفجر قلب الولد طلع شرار ،، بقلم @MohammedDyaa

المزايده 
ــــــــــــــــــــ
ولد البطاطا مات بسبب هزار
خرجت طلقه من العسكر بدون سابق انذار
انفجر قلب الولد طلّع شرار
زى قلب بطاطا بيغلى من الحَمار
وانفجر قلب ابوه طافح مرار
قلعوا قلبى وحطولى مكانه جمره نار
..........................................................
والشعب ما ثار ثورته الا ع التلفزيون
لكن ماشفت الا برود فى العيون
الكل بيترحم وف مكانه جامد
شايفين الظلم ع الكون سايد
شايفين الامل رايح ومش عايد
.......................................................
الكل فى الغيبوبه شارد
والسكوت يقتل اجدعها مارد
انا ساكت وكلنا ساكتين
يا ترى هنقدر نعمل ثوره من جديد
ولا الصديد خلاص اتمكن من الحديد

 بقلم @MohammedDyaa

مطب صناعى !

بسم الله الرحمن الرحيم 

ليا زمن ما فضفضتش هنا بس اهو جيت وبنعتذر عن الاخطاء الاملائية اشطه ندخل فى الموضوع طبعاً مطب صناعى  ده إسم فيلم من الأفلام الظريفه لأحمد حلمى, لكن للأسف أنا مش حتكلم عن الفيلم على الرغم إنه ممكن يكون موضوع شيق

عارف لما بتكون سايق العربيه و تلاقى لوحه مكتوب عليها “إحترس أمامك مطب صناعى” أو ميكونش فى لوحه تحذيريه بس إنت بتشوف المطب الصناعى, أو لما ماتشوفش حاجه خالص و تلاقى العربيه هبدت مره واحده كده , فإللى قاعد جانبك يقوللك فى إيه؟ تقول له إنت بمنتهى البساطه “أبداً, ده كان مطب”. أهو هو ده إللى أنا قصدى عليه

المطب الصناعى على الرغم من إنه حاجه ممكن تبان إنها تافهه جداً, إلا إن أنا شايف إنه دليل على وجود شويه مشاكل فى البلد أدت كلها فى الآخر إن يكون عندنا مطبات صناعيه

المشكله الأولى هى مشكله لغويه, علشان هو المفروض يبقى إسمه “مقب” مش مطب علشان المطب هو الحاجه إللى مستواها أقل من مستوى الأرض, لكن ما دام ده مستواه أعلى فهو مقب...لكن مش مهم موضوع اللغه دلوقت

طيب إيه الغرض من المطبات؟ أنا شايف إن فى كذا حاجه

علشان العربيات تهدى سرعتها أو تقف فى بعض الأحيان. طيب ليه وجع القلب ده ما يحطوا إشاره مرور و خلاص....لكن المشكله إن الشعب المصرى مش بيحترم الاشارات فلازم تفرض عليه الالتزام بالعافيه علشان معندناش ثقافه إحترام الطريق (بالمناسبه إحنا معندناش ثقافه

أى حاجه تانيه خالص)

ممكن برده المطب ميكونش بسبب الناس, ممكن يكون بسبب أحد المسئولين. الواحد منهم أول ما يمسك منصب تلاقى الشارع إتملى مطبات علشان الدواعى الأمنيه لسيادته, ما هو أصله إشترى الشارع بفلوسه

فى مطبات بتتعمل فى الكوارث, و مثال على كده, بعد الأوتوبيس إللى إتقلب فى المنيا و مات فيه 85 واحد, طلع المحافظ و قال أصل المكان ده محتاج مطب, و بسبب المطب ده حصل بعد كده حادثه مات فيها 4 أشخاص بس

فى كمان مطبات بتتعمل عموله, يعنى واحد قاعد زهقان فى بيته, و عنده شوية دبش محيرينه يروح عامل مطب قدام بيته, و المطبات إللى من النوع ده حتلاقيها منتشره جداً فى الطريق الزراعى بمعدل مطب فى كل 5 كيلومتر

على الرغم من الأنواع إللى سردتها دى, إلا إن المطبات دى فى رأيى مش هى المشكله الأساسيه, لإن المشكله إن الشوارع المصريه بطبيعتها أصلاً حالتها سيئه جداً و مليانه مطبات إتكونت من الأسفلت إللى إتعمل أى كلام, أو من البلاعه إللى محدش بيعرف يخليها فى نفس مستوى الأسفلت فتلاقى نفسك بتعمل مناورات فى وسط الشارع علشان متلبسش فيها و بالتالى ممكن لا قدر الله العواقب تكون وخيمه

أما بقى عن شكل المطب, فنظراً لكثرة أنواعها, فابالتالى صعب جداً أسرد أشكالها, لكن الموضوع مش صعب و إنت كل إللى عليك إنك تنزل تركب عربيتك و تسوق و أنا أضمن لك إنك حتشوف العجب وعلى فكرة انا اللى بقعد جنب اللى بيسوق انا مبعرفش اسوق D:

انا هقول لا للدستور !

بسم الله الرحمن الرحيم 

 

بصو يا جامعه انا جاى اقول راى مش كا محامى او مستشار او حتى بفهم ف القانون بس بجد انا تعبت علشان اوصل لى الرئى دا وهتكلم فيه من غير مواد على قد اللى فهمتو وكمان اللى اتشرح ليا من قرايبي المستشارين والقضاه  في الفترة الاخيرة لقيت نفسي بقول انا هقول لا للدستور مع اني قبلها واول ما نزل الدستور قلت هقول نعم بس صحيت من النوم قلت هو انا هقول لا ليه ؟ باضحك يقولك اصل اللي حطوا الدستور مش كلهم بيمثلوا فئات الشعب طيب وانا مالي ؟ والله لو عبده موته كتب الدستور وطلع كويس ايه المشكلة يقولك ان الرئيس ديكتاتور ومش هنسمح له بكدا فلا للدستور رئيس مين هو انتوا بيقعد لكم رئيس باضحك دا اخره اربع سنين وهاتوا اللي عايزينه وخلاص انما الدستور دا احنا اللي هنلبسه من 20 ل 30 سنه يقولك اصل في مواد احنا مش موافقين عليها الكمال لله وحده هو في حاجة كاملة يعني الدستور اللي قبله كان كله فله شمعه منورة ؟ هتقولوا امال احنا عملنا ثورة ليه انا معرفش احنا عملنا ثورة ليه انا صحيت من النوم قالوا لي النهاردة ثورة قلت كل سنة وانتم طيبين يا جماعه وفتحت فطير وكان يوم جميل بس الدستور مش هيبقا كامل هو مش قرءان علشان يبقي كامل وشامل طيب انتا مختلف علي مواد ماشي حقك بس ايه اهم حاجة احنا محتاجين لها التعليم مجاني العلاج لغير القادرين مفيش طواريء امن وامان مسئولية الشرطة كرامه المواطن تنمية الريف تحديد الفترة الرئاسية حرية الاحزاب حرية التظاهرات وقانون العزل حتي الاديان كل واحد يتحاكم بشريعته وحاجات كتيرة اوي كويسة برضوا بس مش فكرها حاليا علشان متدخلش واحدة مشمرة دراعتها وتقولي هو دا بس اللي يهمك يا شوية عبيد اه دا اللي يهمني حق السكن حق التعليم حق الامن والامان حق العلاج حق الحرية حق الكرامه هو في ايه تاني ؟ انا قررت هقول نعم مش علشان البلد تمشي والكلام بتاع الاعلانات دا لا لان انا اللي عايز اعيش والدستور مش هيموتني ولا هيموت بلدي لان البلد لازم تستقر هتقولوا قالوا كدا ايام الاستفتاء الاولاني وملقناش استقرار انا مليش دعوة باللي فات انا في دلوقتي الاستقرار اوله وضع دستور للبلد في اختلافات بقي في المواد يناقشوها مجلس الشعب وف الاخر دستور ولا مش دستور يا متعلمين يا بتوع المدارس P:

ويااااااااااااا للعجب !

سؤال لكل عاقل وبيخاف على مصر ..ديموقراطية الميادين ولا ديموقراطية الصناديق ...وهل من يدعون انهم معارضين ووطنيين يجب عليهم نشر الفوضى والخراب لاسقاط رئيس تولى السلطة بانتخاب ديموقراطى لاول مرة فى تاريخ البلاد ..وكيف لهؤلاء استطاعوا ان يقنعوا هؤلاء الشباب الذين اقاموا الثورة على اكتافهم لاقامة دولة ديموقراطية ان يهدموا حاضرهم ومستقبلهم ..يااااااااااااااااا للعجب على الاعلام الفلولى الذى هو أمر من السحر على الأذان.. ويااااااااااللعجب على بجاحة وكذب وافتراء العملاء على الاسلام والمسلمين المسالمين..ويااااااااااااا للعجب على اعدائنا اليهود والامريكان وما نقدم لهم من ضعفنا وجهلنا واحتياجنا لهم.

انت معترض على ايه ؟

اشتمنى ماشى شكرا بس قول لى انت معترض على ايه علشان اعترض معاك:

 
- على اعادة محاكمة قتلة الثوار ؟
- تكوين نيابه خاصة للتحقيق مع القتله ؟حتى لايعبث بها فلول الماضى ؟
- تحصين القرارات
- رفع معاش المصابين بعجز كلى مثل الشهداء؟
- اقالة الفاسد العام؟
- خفض سن القضاة لتطهيرهم من زندهم ؟
- مد فترة عمل التاسيسيه علشان موضوع السلق اللى خرجوا علشانه؟
- ديكتاتور لمدة شهرين كمان ولا نرجع لمربع الصفر لاتاسيسيه ولا شورى ويصبح دكتاتورا الى مالا نهايه حتى نتوافق ولن يحدث هذا
- قل لى بالله عليك بعد ما تخلص سبابك انت معترض على ايه ؟ وعاوزها تمشى ازاى؟

المواطن المصري المسلم مش فاهمين الالف من كوز الدرة !

الموضوع دا دار بينى وبين المواطن المصري المسلم الحوار ده من فتره بس افتكرته مش عارف ليه انهارده بتفرج ع استفتاءات الفيسبوك ! الاستفتاء كان بخصوص تولي الاخوان الحكم وكمان بعديه استفتاء وراه ع طول عن اقامة الشريعة الاسلامية في مصر.

اللي لفت نظري بجد وخلاني افتكر الحوار مع المواطن المصري المسلم ده ان اصحابي اللي قالوا لأ للاخوان على الاستفتا قالوا نعم لتطبيق الشريعة المصرية في مصر ف حسيت شوية اني عايز اضحك او يمكن الطم او يمكن اهاجر واريح دماغي بجد !

الحوار كان كالتالي:

انا: يعني انت مع تطبيق الشريعة الاسلامية في مصر

المواطن المصري المسلم: طبعا! شرع الله لازم يطبق ولا غنى عن دولة خلافة الله في الارض

انا: يعني معنى كده انك هتصوت للاخوان لو نزلوا انتخابات نزيهة

المواطن المصري المسلم: اعوذ بالله اخوان ايه يا بس يا عم

انا: ليه مالهم الاخوان؟

المواطن المصري المسلم: يا عم دول ناس هتيجي تجلدنا في الشوارع وتقطع بأه ايد السارق وترجم الزاني! احنا مش هنرجع للقرون الوسطى

اهو كل اصحابي اللي صوتوا بلا للاخوان وبنعم للشريعة الاسلامية كلهم المواطن المصري المسلم مش فاهمين الالف من كوز الدرة ! لكي الله يا مصر

مصرى الجنسية..

الي السيد الرئيس المحترم محمد مرسي
انت يا سيادة الرئيس قمت بثورة داخلية بينك وبين نفسك عندما تم قصف عزة واقولها بكل صدق ان غزة والغزاوين والفلسطنين جميعا في القلب ونحن علي اتم الاستعداد ان نكون فدائين لتحرير القدس وفلسطين جميعا ...اين انت يا سيادة الرئيس الان من مجزرة شارع محمد محمود الان التي في وسط القاهرة وهو الشارع الشهير المؤدي الي وزارة الداخلية ..تعيد لنا المشاهد الان الي حكم العسكر وحكم المخلوع سابقا ...اين انت وابنائك واهلك وعشيرتك يقتلون بعضهم البعض اين انت؟اين انت من دماء تسير من الطرفان لا اقول انهم فلسطنيون ولا اسرائليون بل انهم مصريون والله هم مصريون الا يعد بأمكانك الان ان تغضب وتثور الي المصريون ...ام انت تسير علي نهج المخلوع ونهج العسكر في ادارة شئون البلاد ...ام انهم ماذالو يحكمون وانت لاتحكم ..اجب علي نفسك واغضب قبل فوات الاوان !

كلام .. كلام .. كلام

انا هقول كلام

والمسؤلين هيقولو كلام
والحكومه هتقول كلام
والاعلام هيقول كلام
وانتو هتقولو كلام

وكلو
كلام كلام كلام
وبعدين محدش هيعمل حاجه

وف الاخر بيموت البشر، و الكلام مش بيموت !

بـــيــشــتـغـلونـا .

بصو من غير لوك لوك ولا كلام كتير
اصحو معايا كدة علشان انا مش عاوز وجع دماغ الموضوع و مافية صباح القنوات الفضائية بتاعة مسابقات الاشتغالات
يخربيت الهبل يعنى انا كل لما بتفرج على اى قناة منهم بيجيلى تخلف عقلى
القناة دى تلاقيها جايبة السؤال يخربيت الهيافة يعنى لو جبت عيل فى كى جى وان هيحلة


وتلاقى الناس تتصل و تجاوب غلط شوفت الحوار دة مرة واتنين وتلاتة و مليون

و الله انا فى الاول قولت اما اجرب كدة و اتصل هخسر اية اتصلت تلاقى اغنية 5 دقايق

بعدها مرحبا بكم فى قناة (تييييت علشان مانعملهاش اعلانات) للغة العربية اضغط 1

للانجليزية اضغط 2 المهم فضلت ماشى تاتا تاتا و خطى العتبة مع المكالمة

انى اوصل للمزيعة ابدا كل شوية اغنية بعدها لو عايز تكسب جايزتنا اتصل يلا على رقم بلدك

الله الله الله اومال انا بعمل اية شاى بالنعناع مثلا مانا بتنيل اهو و بتصل

و فى الاخر تلاقى شكرا لاتصالكم بنا يا خبر ابيض و منقط بحكلى بعد مكالمة مدتها نص ساعة

و الدقيقة ب جنية و نص تقولى شكرا يالهوى على الاشتغالات يا جدعااااان

لا ولا اللى بقى بجد يخلى الواحد عايز ينتحر البرنامج اللى اسمو (تييييت علشان مانعملهاش اعلانات)

على قناة (تييييت) يفضلو يجيبو حاجات سهلة وهايفة اوى و بردو الناس تحلها غلط بس

بيكسبو بردو طب ازاى مش فاهم ( ياحلاوتك يا طعم يا نايتى يا سيد امك ) حليت غلط و كسبت يا حلاوة المولد

هل حد فيكم مرة دماغو قالتلو امشى ورا الاشتغالات دى ولا انا الوحيد اللى دماغى ضاربة

العقل البضين فى الكرش التخين !

جمله ملهاش اى لازمه فى حيتنا, من كام يوم كنت بلعب كوره, فإفتكرت أيام ما كنت فى المدرسه لما كنت بشوف لوحه متعلقه فى الملعب مكتوب عليها العقل السليم فى الجسم السليم, و أكيد طبعاً الجمله دى كانت موجوده فى كل مدارس مصر, بس السؤال هو إيه مدى تطبيقنا و إقتناعنا بيها

فى المدارس بتعتبر حصه الألعاب دى كلام فارغ و ممكن جداً مدرس العربى ياخدها علشان مزنوق فى المقرر إللى منزلاه الوزاره و كمان لعب إيه و هباب إيه,و إنت جاى المدرسه تتعلم و لا تلعب , جيل آخر زمن, و بالتالى مفيش مشكله إن الملاعب يتبنى عليها مبانى و مفيش أى رياضه فى المدارس و لا جسم سليم و لا أى حاجه

طيب بلاش تلعب فى المدرسه, إنزل إلعب بعد ما تروح البيت, بس فى مشكله, حتلعب فيين؟ طبعاً حتقوللى فى النادى....طيب هو إنت مشترك فى اى نادى؟ طيب معاك فلوس تشترك فى أى نادى؟ طيب الأهم من ده كله حتى لو إنت مشترك فى نادى, أهلك حيوافقوا إنك تنزل تلعب فى أيام الدراسه؟؟

من الآخر كده الأسر المصريه عباره عن شوية ترابيس, يعنى هم عندهم إقتناع غريب إن غلط جداً إنك تمارس رياضه فى أيام الدراسه و إن العيال إللى بيلعبوا دول شويه عيال بايظه و فاشله و مالهومش أهل يربوهم, و علشان كده مش غريب إن الرياضه فى مصر يبقى مستواها ضعيف و تاريخنا فى الرياضه مالوش أى لازمه

إللى أنا عايز أقوله ليه بنعتبر إن فى تناقض ما بين الرياضه و الدراسه؟ بالعكس دول بيكملوا بعض, و عن تجربه شخصيه أنا بحس إن نفسيتى مرتاحه لما ألعب رياضه باستمرار و أكيد دا بيساعدنى فى حياتى عموماً و كمان الرياضه بتحافظ على الإنسان من بلاوى كتيير أوى !

طعنة غادرة وطلقات رصاص اصابتنا في مقتل

طعنة غادرة وطلقات رصاص اصابتنا في مقتل قبل ان تصيب جنودنا الذين كانوا يتناولون افطارهم في مكان حراستهم ... كان المفترض ان تكون المواجهة اقوى الا انه يبدو ان جنودنا قد القوا سلاحهم ليتناولوا افطارهم وتناسوا انه لابد من وجود افراد يؤمنوا الاخ

رين حال انشغالهم بتناول وجبة الافطار وهم يقبعون في منطقة حدودية غير مؤمنة ... نعم الحذر لا يغني من القدر لكن يبدو ان هذا الحادث مقصود منه اهانة الجيش وسرقة مدرعته ثم اخفاء معالم الجريمة .... عزاؤنا ان اخواننا ممن سهرت اعينهم على حماية حدودنا انهم قد نالوا الشهادة لانهم من الاعين التي تسهر لحماية حدودنا الشرقية وانهم قتلوا بعيدا عن اهلهم برصاصات الغدر التي لن تعجز العناية الالهية في الانتقام منها وهي لم تراع حرمة الشهر الفضيل ... اللهم من قتل تلك النفوس الطاهرة وتسبب في لوعة ابائهم وعويل امهاتهم فانتقم لنا منه بعدالتك وجبروتك في ايام كريمة .... كيف يا الله وانت الله وهم عبادك ماتوا وهم يؤدون منسكا من مناسكك في شهر فضيل وايام كريمة ... يا رب اظهر عدالتك المطلقة واشف غليل قلوبنا ممن لا يرحم في الارض فارنا فيهم عجائب قدرتك

إذا لم تستحى فافعل ما شئت هذا لسان حال الإخوان

إذا لم تستحى فافعل ما شئت هذا لسان حال الإخوان . يقعدوا مع عمر سليمان في عز الثورة و بعدين يقولولك ضغطوا علينا..يقولك وافق علي الإعلان الدستوري و نعم علشان تدخل الجنة و يتفرجوا علي الأحرار بيدبحوا و البنات بينتهك أعراضها ( علشان ياخدوا البرلمان ) و يقولك بلطجية و بيعطلوا عجلة الإنتاج و ايه اللي يخلي بنات محترمات ينزلوا من بيوتهم و بعدين لما مجلس العار و الخيانة العسكري يلغي برلمان الندامة يقولك إلحق بناتنا إنتهكت أعراضها. يبوسوا ايديهم يعملوا قانون العزل في برلمان الندامة و من رعبهم من مجلس العار و الخيانة العسكري يأجلوه و لما ييجي الكلب شفيق قدام مرشحهم يقولك إلحق اللي ضد الثورة حيبقي رئيس . يقولك الدستورية لازم تضم كل طوائف المجتمع و يستولوا علي ٧٠ في المية منها. مش حنترشح في أكتر من ٣٠ في المية من البرلمان و يترشحوا علي ١٠٠ في المية . مش حنرشح رئيس و إجري رشح واحد علشان مصلحة البلد . يقولك حكومة الجنزوري فاشلة و لازم تمشي و بعدين يعين الجنزوري مستشاره و يكرمه. يقولك العسكر لازم يرجع ثكناته و بعدين يقولك المجلس هو اللي يحدد وزير الدفاع و يصرف أموره بنفسه ملناش دعوة . الدكتور مرسي المغلوب علي أمره يوعد أهالي الشهداء يجيبلهم حقهم و بعدين يكرم قاتليهم و يفطر و يتغدي و يتعشي معاهم . صحيح إذا لم تستحي فافعل ما شئت . 

حاجة تقرف . 

والثورة مستمرة إن شاء الله

مشروع إحلال التاكسى :)

مقدرش أنكر أبداً إنى معجب بمشروع التاكسى الجديد إللى لونه أبيض, وطبعاً أكتر حاجه عجبانى فيه إن فى عداد علشان يوفر على الخناق على الأجره, مع إنى دلوقت بقيت نادراً لما أركب تاكسى

تاكسى, مصر الجديده؟

تعالى

بعد ما ركبت بشويه كده, بصيت للسواق و كان شكله راجل طيب و شعره و دقنه لونهم أبيض و سألته:

كان معاك عربيه نوعها إيه يا حاج قبل مشروع إحلال التاكسى؟

الراجل إتنهد و فتح فى الكلام

"أنا كان معايا 504 موديل 79, دى والله كانت عربيه أصيله بجد, كانت طياره علشان 2000 سى سى, و كانت تقيله و موزونه على الأرض علشان كده تلاقينى واخد على الجرى, ما أنا مكنش بيهمنى حاجه. و كانت واسعه و مريحه و أنا كنت محافظ عليها. دى تمنها فى السوق كان وصل ل70 ألف و ساعات 80, ما هو أصل المشروع ده كان مكسب لناس, و خساره لناس تانيين"

معاك حق يا حاج, أنا كمان بحب العربيه دى جداً و بحس إنها بتاعة شغل

"عارف يا بيه, أنا يوم ما سلمت العربيه للتخريد, و الله العظيم تعبت و رقدت أسبوع فى البيت. ده حتى المهندس إللى إستلم منى العربيه قاللى و الله دى خساره, بس شويه كده و لقيت الونش راح رافع العربيه و رماها فى المقلب إللى بيرموا فيه العربيات على بعضها علشان يخردوها. بصيت للعربيه كده و كنت حعيط, جالى واحد و قاللى إنسى بقى يا عم, و روح إستلم الشيك بتاعك. روحت و استلمت الشيك أبو 5000 جنيه و رجعت البيت رجلى مش شايلانى دخلت السرير ة فضلت راقد أسبوع مش قادر أنزل"

"جيت بعد كده عايز أحجز العربيه الجديده, و الله ما بقيت عارف أجيب إيه, الكورى سريع و موتور كويس بس ورق, الصينى دلع و حركات و كماليات بس مش مجربينه, الروسى ناشف و يستحمل بس كل يوم عند الميكانيكى و وجع دماغ, و كل السواقين محتارين و مش عارفين يعملوا إيه. والله ما فيش زى ال 504"

"المهم, جبت الكورى. تصدق يا بيه, طلعت بيها على طريق السويس كنت بوصل زبون للرحاب, و مشيت على 120, عدت جانبى عربيه نقل لقيت الدركسيون بيلعب فى إيدى, رحت مهدى خالص و قلت خلاص معدتش أجرى تانى, أيام ال 504 راحت خلاص"

"دخلت بعد كده فى موضوع الصيانه, رحت التوكيل فى الطريق الصحراوى, قالولى سيب العربيه علشان ممنوع تخش الورشه و إحنا حنعمل كل حاجه, بعد كده جابولى الحساب و كان غالى قوى, قالولى أصلنا غيرنالك مش عارف إيه و إيه, طيب إش ضمننى إنكم غيرتوا حاجه. أنا من هنا و رايح التصليح كله حعمله عند الصنايعيه إللى أعرفهم بدل ما أنا بتسرق كده"

"بعد كده وزير النقل إتغير, فالشركات إللى كانت بتحط إعلاناتها على العربيات بطلت تحط إعلانات, و مبقوش يدفعوا الاقساط بتاعتهم, فالسواقين إللى اتحملوا الحكايه دى إنهم بقوا يقسطوا على سبع سنين بدل 5, زى ما نكون ناقصين مصاريف"

بس يا حاج, أنا نازل هنا إن شاء الله, إتفضل الحساب......سلامو عليكم

رساله الى رئيس مصر !

مرسي رئيس مصر : سوف نبدأ بمتابعتك والرقابة عليك دون سوء ظن مسبق بك ... فإذا رأينا إصلاحا شكرناك ... وإن رأينا ابتعادا عن طريق الحق نبهناك ... وإن لم تستجب ضغطنا عليك لتصلح ما أفسدته ... وإن لم تستجب ثرنا عليك وخلعناك

ضـــد الثـــورة

شفت بعض الناس بتدافع عن الفنانات إلي نزلوا مدينه نصر لمناصره شفيق وتلصق التهم بسبهم ونشر صور لهم لا تليق بالإ خوان وأصحاب الدقون أحب أرد لك مطلق الحريه في الدفاع عن أي فنانه كيفما تشاء ولكن لا تنسي أن أمثالهم لم يتذوقوا الجوع والذل والفقر مثل الإنسان العادي البسيط أمثالهم يعيشون حياه مريحه مرفهه يمجدون في المسئولين ليقبضوا ينافقوا بكلامهم ليتم الصفح عنهم وعايشين في جلباب السلطه بنعيمها بأي شكل لصور هذه السلطه عكس المواطن العادي المطحون الذي يذوق المرار ليأكل لقمه العيش بحلال دافع وهلل لهم ولكن لا تقارن هؤلاء بالمصريين العاديين..و كل هذا بسبب نظام مبارك جعل من الوسط الفنى و الرياضى رموز و نخبة و صفوة المجتمع و أغلبهم فى الواقع حفنة من الجهلة و المغفلين و المنافقين و الرويبضة و أصحاب المصالح و منهم القوادين و بائعات الهوى .. ببساطة : "تيوس معها فلوس" ..
يتم استغلالهم فى أى مشكلة يواجهها النظام كأبواق إعلامية و ألسنة مدربة تجيد التحدث دفاعا عن النظام و تجيد التمثيل أمام الكاميرات "بحكم المهنة" و هذا لخلق حالة من الرأى العام تساند النظام فيما يواجهه من عقبات ..
إبعاد الساسة المحترمين و العلماء و النوابغ عن الساحة الإعلامية كان مقصودا لتغييب المجتمع و جعله ينساق عاطفيا و فكريا وراء ما ينقله له رعاع الإعلام .

وشوشة دماغ على الفاضى !

يا دي ام الكلام الفاضى على الخوف من الاخوان و وشوشة الكلام الغريب اللى بيدخل الدماغ ده .. انا شاب مسلم ومش مواظب صحيح اوي زي ما ربنا طلب مني وربنا يهديني وعارف انه هو اللي مفروض يحاسب مش غيره.. لكن لو حصل واتمنع اي حاجه مخالفة لشرع الله هعتبرها دافع للهداية ! .. علي فكرة في شباب و بنات كتير خايفين من حكم الاخوان لى التدخل فى الحياة الشخصية ... و مين اساسآ هيراقب كم مليون ويجبرهم ع كدا دا عقل ضيق وتفكير متخلف سوري يعني بس مش للدرجه دي معتقدش ده ممكن يحصل هوا مرسى رئيس عشان يمسكنا بالعافية و يقولنا يلا نصلى و اللى بتعملو ده حرام و غلط .. ولا حتى اضطهاد الاقباط .. ده فاكس كلو. و ان شاء الله اللى فيه الخير هيحصل .. و فيها ايه طلما هيخلونا نعمل الصح و يحافظوا علينا و يحترمونا هنخاف منهم ليه ؟

قصة قصيرة : سأل طفل أباه: ما معنى السياسه ؟

سأل طفل أباه: ما معنى السياسه؟

فأجابه: لن أخبرك يا بني لآنه صعب عليك في هذا السن. لكن دعني أقرب الموضوع لك..
أنا أصرف على البيت لذلك فلنطلق علي اسم الرأسمالية…
وأمك تنظم شؤون البيت لذلك سنطلق عليها اسم الحكومة…
وأنت تحت تصرفها لذلك فسنطلق عليك اسم الشعب…
واخوك الصغير هو املنا فسنطلق عليه اسم المستقبل…
اما الخادمة التي عندنا فهي تعيش من ورائنا فسنطلق عليها اسم القوى الكادحة…

اذهب يا بني وفكر عساك تصل الى نتيجة..

وفي الليل لم يستطع الطفل ان ينام..
فنهض من نومه قلقآ وسمع صوت أخيه الصغير يبكي فذهب اليه فوجده قد بال في حفاظه..

ذهب ليخبر أمه فوجدها غارقة في نوم عميق ولم تستيقظ وتعجب أن والده ليس نائما بجوارها..
ذهب باحثآ عن أبيه.. فنظر من ثقب الباب الى غرفة الخادمة فوجد أبوه معها على السرير و.......

وفي اليوم التالي قال الولد لابيه: لقد عرفت يا أبي معنى السياسه..
فقال الوالد: وماذا عرفت؟؟

فقال: عندما تلهو الرأسمالية بالقوى الكادحة تكون الحكومة نائمة في سبات عميق فيصبح الشعب مهملا تماما ويصبح المستقبل غارقا في القذارة...