طعنة غادرة وطلقات رصاص اصابتنا في مقتل

طعنة غادرة وطلقات رصاص اصابتنا في مقتل قبل ان تصيب جنودنا الذين كانوا يتناولون افطارهم في مكان حراستهم ... كان المفترض ان تكون المواجهة اقوى الا انه يبدو ان جنودنا قد القوا سلاحهم ليتناولوا افطارهم وتناسوا انه لابد من وجود افراد يؤمنوا الاخ

رين حال انشغالهم بتناول وجبة الافطار وهم يقبعون في منطقة حدودية غير مؤمنة ... نعم الحذر لا يغني من القدر لكن يبدو ان هذا الحادث مقصود منه اهانة الجيش وسرقة مدرعته ثم اخفاء معالم الجريمة .... عزاؤنا ان اخواننا ممن سهرت اعينهم على حماية حدودنا انهم قد نالوا الشهادة لانهم من الاعين التي تسهر لحماية حدودنا الشرقية وانهم قتلوا بعيدا عن اهلهم برصاصات الغدر التي لن تعجز العناية الالهية في الانتقام منها وهي لم تراع حرمة الشهر الفضيل ... اللهم من قتل تلك النفوس الطاهرة وتسبب في لوعة ابائهم وعويل امهاتهم فانتقم لنا منه بعدالتك وجبروتك في ايام كريمة .... كيف يا الله وانت الله وهم عبادك ماتوا وهم يؤدون منسكا من مناسكك في شهر فضيل وايام كريمة ... يا رب اظهر عدالتك المطلقة واشف غليل قلوبنا ممن لا يرحم في الارض فارنا فيهم عجائب قدرتك

إذا لم تستحى فافعل ما شئت هذا لسان حال الإخوان

إذا لم تستحى فافعل ما شئت هذا لسان حال الإخوان . يقعدوا مع عمر سليمان في عز الثورة و بعدين يقولولك ضغطوا علينا..يقولك وافق علي الإعلان الدستوري و نعم علشان تدخل الجنة و يتفرجوا علي الأحرار بيدبحوا و البنات بينتهك أعراضها ( علشان ياخدوا البرلمان ) و يقولك بلطجية و بيعطلوا عجلة الإنتاج و ايه اللي يخلي بنات محترمات ينزلوا من بيوتهم و بعدين لما مجلس العار و الخيانة العسكري يلغي برلمان الندامة يقولك إلحق بناتنا إنتهكت أعراضها. يبوسوا ايديهم يعملوا قانون العزل في برلمان الندامة و من رعبهم من مجلس العار و الخيانة العسكري يأجلوه و لما ييجي الكلب شفيق قدام مرشحهم يقولك إلحق اللي ضد الثورة حيبقي رئيس . يقولك الدستورية لازم تضم كل طوائف المجتمع و يستولوا علي ٧٠ في المية منها. مش حنترشح في أكتر من ٣٠ في المية من البرلمان و يترشحوا علي ١٠٠ في المية . مش حنرشح رئيس و إجري رشح واحد علشان مصلحة البلد . يقولك حكومة الجنزوري فاشلة و لازم تمشي و بعدين يعين الجنزوري مستشاره و يكرمه. يقولك العسكر لازم يرجع ثكناته و بعدين يقولك المجلس هو اللي يحدد وزير الدفاع و يصرف أموره بنفسه ملناش دعوة . الدكتور مرسي المغلوب علي أمره يوعد أهالي الشهداء يجيبلهم حقهم و بعدين يكرم قاتليهم و يفطر و يتغدي و يتعشي معاهم . صحيح إذا لم تستحي فافعل ما شئت . 

حاجة تقرف . 

والثورة مستمرة إن شاء الله

مشروع إحلال التاكسى :)

مقدرش أنكر أبداً إنى معجب بمشروع التاكسى الجديد إللى لونه أبيض, وطبعاً أكتر حاجه عجبانى فيه إن فى عداد علشان يوفر على الخناق على الأجره, مع إنى دلوقت بقيت نادراً لما أركب تاكسى

تاكسى, مصر الجديده؟

تعالى

بعد ما ركبت بشويه كده, بصيت للسواق و كان شكله راجل طيب و شعره و دقنه لونهم أبيض و سألته:

كان معاك عربيه نوعها إيه يا حاج قبل مشروع إحلال التاكسى؟

الراجل إتنهد و فتح فى الكلام

"أنا كان معايا 504 موديل 79, دى والله كانت عربيه أصيله بجد, كانت طياره علشان 2000 سى سى, و كانت تقيله و موزونه على الأرض علشان كده تلاقينى واخد على الجرى, ما أنا مكنش بيهمنى حاجه. و كانت واسعه و مريحه و أنا كنت محافظ عليها. دى تمنها فى السوق كان وصل ل70 ألف و ساعات 80, ما هو أصل المشروع ده كان مكسب لناس, و خساره لناس تانيين"

معاك حق يا حاج, أنا كمان بحب العربيه دى جداً و بحس إنها بتاعة شغل

"عارف يا بيه, أنا يوم ما سلمت العربيه للتخريد, و الله العظيم تعبت و رقدت أسبوع فى البيت. ده حتى المهندس إللى إستلم منى العربيه قاللى و الله دى خساره, بس شويه كده و لقيت الونش راح رافع العربيه و رماها فى المقلب إللى بيرموا فيه العربيات على بعضها علشان يخردوها. بصيت للعربيه كده و كنت حعيط, جالى واحد و قاللى إنسى بقى يا عم, و روح إستلم الشيك بتاعك. روحت و استلمت الشيك أبو 5000 جنيه و رجعت البيت رجلى مش شايلانى دخلت السرير ة فضلت راقد أسبوع مش قادر أنزل"

"جيت بعد كده عايز أحجز العربيه الجديده, و الله ما بقيت عارف أجيب إيه, الكورى سريع و موتور كويس بس ورق, الصينى دلع و حركات و كماليات بس مش مجربينه, الروسى ناشف و يستحمل بس كل يوم عند الميكانيكى و وجع دماغ, و كل السواقين محتارين و مش عارفين يعملوا إيه. والله ما فيش زى ال 504"

"المهم, جبت الكورى. تصدق يا بيه, طلعت بيها على طريق السويس كنت بوصل زبون للرحاب, و مشيت على 120, عدت جانبى عربيه نقل لقيت الدركسيون بيلعب فى إيدى, رحت مهدى خالص و قلت خلاص معدتش أجرى تانى, أيام ال 504 راحت خلاص"

"دخلت بعد كده فى موضوع الصيانه, رحت التوكيل فى الطريق الصحراوى, قالولى سيب العربيه علشان ممنوع تخش الورشه و إحنا حنعمل كل حاجه, بعد كده جابولى الحساب و كان غالى قوى, قالولى أصلنا غيرنالك مش عارف إيه و إيه, طيب إش ضمننى إنكم غيرتوا حاجه. أنا من هنا و رايح التصليح كله حعمله عند الصنايعيه إللى أعرفهم بدل ما أنا بتسرق كده"

"بعد كده وزير النقل إتغير, فالشركات إللى كانت بتحط إعلاناتها على العربيات بطلت تحط إعلانات, و مبقوش يدفعوا الاقساط بتاعتهم, فالسواقين إللى اتحملوا الحكايه دى إنهم بقوا يقسطوا على سبع سنين بدل 5, زى ما نكون ناقصين مصاريف"

بس يا حاج, أنا نازل هنا إن شاء الله, إتفضل الحساب......سلامو عليكم

رساله الى رئيس مصر !

مرسي رئيس مصر : سوف نبدأ بمتابعتك والرقابة عليك دون سوء ظن مسبق بك ... فإذا رأينا إصلاحا شكرناك ... وإن رأينا ابتعادا عن طريق الحق نبهناك ... وإن لم تستجب ضغطنا عليك لتصلح ما أفسدته ... وإن لم تستجب ثرنا عليك وخلعناك

ضـــد الثـــورة

شفت بعض الناس بتدافع عن الفنانات إلي نزلوا مدينه نصر لمناصره شفيق وتلصق التهم بسبهم ونشر صور لهم لا تليق بالإ خوان وأصحاب الدقون أحب أرد لك مطلق الحريه في الدفاع عن أي فنانه كيفما تشاء ولكن لا تنسي أن أمثالهم لم يتذوقوا الجوع والذل والفقر مثل الإنسان العادي البسيط أمثالهم يعيشون حياه مريحه مرفهه يمجدون في المسئولين ليقبضوا ينافقوا بكلامهم ليتم الصفح عنهم وعايشين في جلباب السلطه بنعيمها بأي شكل لصور هذه السلطه عكس المواطن العادي المطحون الذي يذوق المرار ليأكل لقمه العيش بحلال دافع وهلل لهم ولكن لا تقارن هؤلاء بالمصريين العاديين..و كل هذا بسبب نظام مبارك جعل من الوسط الفنى و الرياضى رموز و نخبة و صفوة المجتمع و أغلبهم فى الواقع حفنة من الجهلة و المغفلين و المنافقين و الرويبضة و أصحاب المصالح و منهم القوادين و بائعات الهوى .. ببساطة : "تيوس معها فلوس" ..
يتم استغلالهم فى أى مشكلة يواجهها النظام كأبواق إعلامية و ألسنة مدربة تجيد التحدث دفاعا عن النظام و تجيد التمثيل أمام الكاميرات "بحكم المهنة" و هذا لخلق حالة من الرأى العام تساند النظام فيما يواجهه من عقبات ..
إبعاد الساسة المحترمين و العلماء و النوابغ عن الساحة الإعلامية كان مقصودا لتغييب المجتمع و جعله ينساق عاطفيا و فكريا وراء ما ينقله له رعاع الإعلام .

وشوشة دماغ على الفاضى !

يا دي ام الكلام الفاضى على الخوف من الاخوان و وشوشة الكلام الغريب اللى بيدخل الدماغ ده .. انا شاب مسلم ومش مواظب صحيح اوي زي ما ربنا طلب مني وربنا يهديني وعارف انه هو اللي مفروض يحاسب مش غيره.. لكن لو حصل واتمنع اي حاجه مخالفة لشرع الله هعتبرها دافع للهداية ! .. علي فكرة في شباب و بنات كتير خايفين من حكم الاخوان لى التدخل فى الحياة الشخصية ... و مين اساسآ هيراقب كم مليون ويجبرهم ع كدا دا عقل ضيق وتفكير متخلف سوري يعني بس مش للدرجه دي معتقدش ده ممكن يحصل هوا مرسى رئيس عشان يمسكنا بالعافية و يقولنا يلا نصلى و اللى بتعملو ده حرام و غلط .. ولا حتى اضطهاد الاقباط .. ده فاكس كلو. و ان شاء الله اللى فيه الخير هيحصل .. و فيها ايه طلما هيخلونا نعمل الصح و يحافظوا علينا و يحترمونا هنخاف منهم ليه ؟

قصة قصيرة : سأل طفل أباه: ما معنى السياسه ؟

سأل طفل أباه: ما معنى السياسه؟

فأجابه: لن أخبرك يا بني لآنه صعب عليك في هذا السن. لكن دعني أقرب الموضوع لك..
أنا أصرف على البيت لذلك فلنطلق علي اسم الرأسمالية…
وأمك تنظم شؤون البيت لذلك سنطلق عليها اسم الحكومة…
وأنت تحت تصرفها لذلك فسنطلق عليك اسم الشعب…
واخوك الصغير هو املنا فسنطلق عليه اسم المستقبل…
اما الخادمة التي عندنا فهي تعيش من ورائنا فسنطلق عليها اسم القوى الكادحة…

اذهب يا بني وفكر عساك تصل الى نتيجة..

وفي الليل لم يستطع الطفل ان ينام..
فنهض من نومه قلقآ وسمع صوت أخيه الصغير يبكي فذهب اليه فوجده قد بال في حفاظه..

ذهب ليخبر أمه فوجدها غارقة في نوم عميق ولم تستيقظ وتعجب أن والده ليس نائما بجوارها..
ذهب باحثآ عن أبيه.. فنظر من ثقب الباب الى غرفة الخادمة فوجد أبوه معها على السرير و.......

وفي اليوم التالي قال الولد لابيه: لقد عرفت يا أبي معنى السياسه..
فقال الوالد: وماذا عرفت؟؟

فقال: عندما تلهو الرأسمالية بالقوى الكادحة تكون الحكومة نائمة في سبات عميق فيصبح الشعب مهملا تماما ويصبح المستقبل غارقا في القذارة...

عيش بطيخة و جبنة "عيش حرية و عدالة اجتماعية" (مجرد هرى)...!

عيش بطيخة و جبنة
"عيش حرية و عدالة اجتماعية"
(مجرد هرى)

برضو أولاً و قبل أى حاجه بلاش تفهمنى غلط لحسن تفتكر عنى فكرة غلط لما تشوف الكلام اللى انا كاتبه
انا كتبت الكلام ده كونت مرة قاعد على السرير فا جت الفكرة دى فى دماغى عادى بقا شوفها و ابقا اعتبرها هرى و خلاص !
امممممم بعد اللى حصل و اللى بيحصل لسه دلوقتى على الساحه و من خلال مرور سنة على الثورة قدرت احلل شعار الثورة !
    "عيش حرية عدالة اجتماعية" الآ و هوا "عيش بطيخة و جبنة"
دلوقتى هشرح كل كلمة من وجهة نظرى و من اللى شوفت طول فترة السنه و خلى بالك اعتبرو هرى زى ما قولتلك !

1-العيش : العيش هوا الشعب و تقريب الانسان لما بياكل لزم يكون معاه عيش و يبتدى يقطع العيش تقريبا الشعب اتقطع زى رغيف العيش بعد الثورة بقينا "اخوان-سلفين-ليبراليين-اشتراكيين-اااالخ- و بعد كل ده ينطبق علينا رغيف العيش بسبب تفرقنا !

2-البطيخة : البطيخة اللى هيا الوطن و كانت السكينة اللى بتقطع البطيخة هيا المجلس العسكرى و البزر الاسود اللى فى البطيخة طلعت جماعة الاخوان بعد ما ظهر قرار ترشيح شخصية منهم لى منصب الرئاسة و تقريبا البطيخة طلعت قرعة فى الاخر ! و كل شى اتكشف و بان !!

3- جبنة : الجبنة هيا من وجهة نظرى شباب الثورة و الشعب ليه شباب الثورة و الشعب نقول عليهم جبنة علشان الكائن اللى بياكل العيش و البطيخ لزم ياكل حاجة حادقة مع كل العسل ده و شباب الثورة و الشعب هوا الحادق و ليه حادق علشان هوا ديما عايز الحق و عايز العدل و عايز يعيش بكرامه مش اكتر ولا اقل و هوا دا اللى بيحدق بيه المجلس العسكرى و كان فى الاول الاخوان !

تقريبا كده يا جماعة الطبلية رجولها وقعت و الانتصار فى النهاية هيكون لى العيش و الجبنة لان العيش و الجبنه لا ليهم موسم معين ولا حتى ليهم سماد يتزرع بيها و طبعا مش عايز حد يزعل من الكلام ده لانو ده مجرد هرى و كلام ! 

الى اخوانى اولاد أبو اسماعيل......!!

الى اخوانى اولاد أبو اسماعيل

يوم امس ادهشنى كلام سمعته من اولاد ابو اسماعيل بعد بيان جماعة الاخوان المسلمين و حزب الحرية و العادلة
عن ترشيح م/ خيرت الشاطر ولا اعرف سبب هذا الاندهاش و التعجب .... !
ولكن اقول لعله خوفا من الاسباب الاتية او على الاقل واحد منها .
-ان جماعة الاخوان المسلمون كذبت فى وعدها بعدم ترشح احد من افرادهم , و ان اسباب دفعها لمرشح محض  افتراء , واكاذيب ، وتبرير لموقف الجماعه لدفع "جوكر" الاخوان (م/ خيرت الشاطر) -لكن- دعونا نفكر قليلا بنظرة من الخارج على دوافع الاخوان المسلمين ثم نحكم بالسلب او الايجاب ، بالصواب او الخطاء ، بالحقيقة او الكذب ، لعلنا نصل الى الحقيقة
ولكن لابد لنا ان نكون محايدين ، و شهدتنا امام الله سبحانه و تعالى ثم شهادة للتاريخ تكتب و تسطر.
توجد ازمه حقيقة و ليست مفتعله بين الاخوان المسلمين و المجلس العسكرى  وهى فى  تصاعد مستمر تدل عليها الاحداث الجارية و ادعو الله الا تتطور كما تطورت فى احداث 1954 ، 1965 .
وهذه الازمة ببساطة شديدة صراع حول السلطة بين قوتين كبيرتين، كل من القوتين تريد  ان تسيطر على الوضع الداخلى و الخارجى السياسى و الاقتصادى و الاجتماعى ، وقد فشل حزب الحرية و العدالة فى تحقيق ما يتمناه والوصول الية وتصاعدت ازمات مفتعلة من عدم تحقيق الامن بشكل كافى ،ازمات فى البوتجاز،احداث بورسعيد،زيادات كبيرة فى الاسعار عدم شعور المواطن المصرى باى فرق يذكر فى تحقيق اهداف الثورة من "عيش، حرية ،عدالة اجتماعية"
 حكومه يستطيع من خلالها تطبيق افكارة و سياساته ، و تيقنو  بعد وقت  ان المواطنين على ارض مصر" انخدعوا "فيهم  وطعون على شرعية البرلمان تهدد وتهدم ما وصلو الية بعد اكثر من ثمانين سنة من الجهد والتعب والاعتقالات  ،فقالو بلسان الحال هذا وقت  المحافظة على المكاسب .

 
  الورقة الاخيرة لديهم و هى "م/ خيرت الشاطر" لكن لماذا م/ خيرت الشاطر؟ و ليس د/ العوا او د/ ابو الفتوح او د/ حازم؟  كان الاخوان فى حيرة من امرهم بين اكثر من امر ، اما د/ العوا وهو ليس محل توافق بين كوادر الجماعة  و شبابها و شيوخها، او د/حازم و هو لم يستشير الجماعه اولا فى قرار ترشيحه للرئاسه و شباب الاخوان ايضا لا يميلون اليه لاسباب فى اعتقادهم انه يوجد افضل منه فى هذه المرحله او الاختيار الاصعب وهو تاييد د/ ابو الفتوح ،و هنا تكمن المشكله و الصراع بين التيار الاصلاحى و التيار المحافظ داخل الجماعه و قد حسم التيار المحافظ هذه المساله .و بقى  لهم ان يدفعو بمرشح يقنع اولا شباب الاخوان و يجذب اليه كل الاحزاب الاسلاميه مثل "حزب النور و مصر البناء و التنميه "على رجل واحد ، وهذا كله من خلال هيئة الحقوق و الاصلاح الشرعى و الدعوه السلفيه و كان هذا "هوا م/ خيرت الشاطر" الرجل الاقوى ذو الخبره الاقتصاديه و السياسيه الكبيرة و حبيب كثير من شباب الاخوان و شيوخ الاخوان و باقى التيارات الاسلاميه على مختلف مشاربها.
وشهادتى ان الاخوان قد اصابوا فى اختيارهم بالرغم من التحديات الكبيرة التى ستواجههم فى المستقبل القريب من المجلس العسكرى و قطاع من شباب التيار السلفى و كثير من المنتقدين لجماعة الاخوان و جدو  فسحة من الوقت لشن هجوم مضاعف و تكتيكى الغرض منه زعزعة ثقة المواطن المصرى الذى صوت للتيار الاسلامى و ادعو الله ان يوفق الجميع الى ما يحب ويرضى  ويجمع كلمة المسلمين على رجل واحد، واذا اختلفتم معى فى الراى فلا نكفر ولا يخون  بعضنا بعض،ونتذكر قول اللة سبحانة وتعالى :"يا ايها الذين امنوا اجتنبو كثيرا من الظن ان بعض الظن اثم ،ولاتجسسوا ولايغتب بعضكم بعضا ايحب احدكم ان ياكل لحم اخية ميتا فكرهتموة ؟واتقوا اللة، ان اللة تواب رحيم"

بقلم م/ وائل فرغل صديق ابو زيد

وطنى العنب.....P:

 

وطنى حبيبى الوطن الأكبر....يوم ورا يوم أمجاده بتكبر
و انتصاراته, ماليه حياته....وطنى بيكبر و بيتحرر
وطنى وطنى

أولاً و قبل أى حاجه بلاش تفهمنى غلط, لحسن تفتكر إنى دايب فى غرام الوطن لا سمح الله, تف من بقك يا راجل أنا مش وش كده, أنا بس كتبت الأغنيه دى علشان حاجه تانيه خالص.
طبعاً الأغنيه – أو بمعنى أصح – الأوبريت ده إحنا تقريباً إتربينا عليه, كلنا كنا بنستناه فى التليفزيون سواء بمناسبه أو غير مناسبه, أى حفله فى المدرسه كان لازم يتغنى, ده أنا حتى فاكر كويس إن طابور المدرسه كان بيطلع الفصول على الموسيقى بتاعته و هى بتتعزف على الأوكورديون.
طيب الكلام ده كان زمان, إيه إللى فكرنى بيه دلوقت؟
بمنتهى البساطه موجه الأغانى إللى بيطلق عليها أغانى سوقيه و بوظت الفن و أذواق الناس و طبعاً هى كتيره أوى دلوقت. و كل ما تسمعها تلاقى الناس تفكرك بزمن الفن الجميل و فين أيام القمم بتوع زمان.............و يااااااااااه.
لقيت نفسى من غير ما أحس حاطط الأوبريت ده فى مقارنه مع أغنية - على سبيل المثال مش أكتر – العنب, على إعتبار إن دى الأغنيه إللى ممكن يتربى عليها الأجيال إللى جايه, فلقيت إن أغنية العنب على الرغم من كل الكلام إللى ممكن يتقال عليها إلا إنها أقرب للقلب و ممكن تحبها أكتر.
حتقوللى إزاى و مش إزاى؟ حقوللك بمنتهى البساطه إن العنب و كل الأغاى إللى زيها على الرغم من إن فيهم كل العبر إلا إن فيهم ميزه كبيره جداً و هى الصدق, و ده إللى عمرك ما حتلاقيه لا فى الأوبريت و لا فى الوطن الأكبر كله. يعنى إنت بتسمع الأغانى دى علشان تضحك و تفرفش و تهيص و ممكن كمان ترقص و إنت من جواك عارف إنها مش أكتر كده, لكن الأوبريت القمه ده بقاله من سنه 1962 لحد دلوقت بيضحك على الناس و بيخدعهم بشعارات العروبه إللى مش نافعه و عمرها ما نفعت و لا حتنفع.
و طبعأ مش ده الأوبريت الوحيد إللى كده, لأ ده فى كتير من النوعيه دى زى الجيل الصاعد و صوت الجماهير .....إلخ. كل العك ده إعتمد فى المقام الأول على اللحن الجميل و النجوم القمم و الديكور و الجو الحماسى الثورى إللى يحببك فى الثوره و يحسسك إن العروبه دى حاجه مفخره لكل من رزقه ربنا بالشرف العظيم ده و إن العرب مستهدفين علشان إحنا ناس محظوظين و عايشين فى نعيم مش موجود فى أى حته فى الكون!!!!!
طبعاً أنا ممكن يتوجهلى كلام من نوعية أصلك مشربتش من نيلها, و لا عمرك جربت تغنيلها, لكن أنا بس عايزك تحكم عقلك و تفكر شويه و إنت بتسمع الأغانى إللى من النوعيه دى, و علشان ماكونش متجنى على أى حد, فأنا جبت شوية مقتطفات من الأوبريت القمه ده, إقراها و احكم بنفسك, بس على شرط لو إقتنعت بكلامى أول حاجه تعملها هى إنك تشغل أغنيه العنب.

وطنى يا مالى بحبك قلبى.....وطنى يا وطن الشعب العربى
ياللى ناديت بالوحده الحره.....بعد ما شفت جمال الثوره
و إنت كبير, و اكبر كتير, من الوجود كله يا وطنى
(أكبر من أمريكا على سبيل المثال لا الحصر يعنى)
************
حلو يا مجد يا مالى قلوبنا.....حلو يا نصر يا كاسى رايتنا
حلوه يا وحده يا جامعه شعوبنا.....حلوه يا أحلى نغم فى حياتنا
يا نغم سارى بين المحيطين....بين مراكش و البحرين
فى اليمن و دمشق و جده.....نفس الغنوه لأجمل وحده
(مجد, نصر, وحده.......أحمدك يا رب)
************
قوميتنا إللى بنحميها....إللى حياتنا شموع حواليها
جنه بتضحك للى يسالم....و جحيم ساير على أعاديها
(العكس صحيح)
************
وطنى يا أغلى وطن فى الدنيا....وطنى يا قلعه للحريه
إنت البانى مع البانيين....و إنت الهادم للعبوديه
الصوت صوتك حر و عربى....مش صدا شرقى ولا صدا غربى
ياللى ترابك كحل لعينى.....ياللى هواك عطره بيحيينى
إنت حبيبى يا وطنى العربى
(إحنا حنهرج !!!!!!!)
************
وطنى يا جنه الناس حاسدينها.....على أمجادها و على مفاتنها
ياللى قنالك رجعت ملكك....و إنت الخير الدنيا صاينها
على السد و خد من خيره....صنع و ازرع و ابنى فى نوره
ياللى علاك فى قلوبنا عباده....يا وطن كل حياته سياده
وطن العزه الوطن العربى
(و الله العظيم أنا ماسك لسانى بالعافيه)
************
(معلش هانت دى آخر حته والله)
وطنى يا زاحف لانتصاراتك.....ياللى حياه المجد حياتك
فى فلسطين و جنوبنا الساهر....حنكمللك حرياتك
إحنا وطن يحمى ولا يهدد....إحنا وطن بيصون ما يبدد
وطن المجد يا وطنى العربى
(لو وصلت لحد هنا يبقى إنت أكيد شخص عنده قوه تحمل رهيبه أحييك عليها)

الحروب الاستباقية....!

الحروب الاستباقية

مصطلح اطلق بعد نهاية احداث الحادى عشر من سبتمبر للتصدى بكل قوة للهجمات الارهابية بحروب استباقية للقضاء عليها بجانب تحقيق مكاسب اخرى من تصنيع للسلاح ،واحتلال منابع البترول فى الشرق الاوسط.

اما فى مصر فهى حروب كلامية ،ومنوشات بين طرفين كبيرين على الساحة.

هذا ما يدور فى الايام الحالية بين اكبر قوتين على الساحة السياسية  فى الاونة الاخيرة .

الاخوان المسلمون فى حالة حروب استباقية (ليست بالا سلحةوالذخيرة)بينها وبين المجلس العسكرى لاسترداد حقها،او انتزاع كلمتها فى الشارع بعد نفاذ صبر الشارع السياسى، والمصرى بشكل عام،وسخط الجماهير عليهم وتصدير الحكومة لكل مشكلة من مشاكل الناس الى المجلس المنتخب،ناهيك عن مشاكل داخلية تواجة الجماعة من الداخل  منها مشكلة الرئاسة،وترشيح احد كوادر الاخوان،وانشقاقات لبعض شباب الجماعة.

ادى هذا كلة الى حروب استباقية بينهم وبين المجلس العسكرى للتغطية على الاحداث الجارية،واعطاء هدنة للتفكيرفى مشاكل  المستقبل القريب.

ومن جانب المجلس العسكرى لا يقف موقف المشاهد للاحداث دون رد، ولكنة سيترجم ذلك الى  بيانات يستنكر فيها مثل هذا الادعاء الباطل (من وجهة نظرة) بكل قوة للخروج من الميدان بشكل مشرف يرضى عنة انصارة

واتوقع استمرار هذة الحالة لفترة غير قصيرة حتى تتبين معالم الفترة القادمة.

 بقلم / م. وائل فرغل الكاشف