رثاء لوالدة الفنان عمرو دياب رحمها الله
هاقولك ايه بس يا أمى
إنتى الوحيدة اللى فى دمى
مهما ببعد وياخدنى فنى
برجع لحضنك الدافى
وبإديكى على ايدى تضمى
وقت الفراق صعب عليا
اصل الوداع مش بإيديا
سبتينى والناس حواليا
وبرضو وحدانى بغنى
وهاقولك ايه بس يا امى
انا كنت عايش برضاكى
ودلوقتى بتمنى لقاكى
نظرة وداع لحظة مماتك
والله بتزود همى
وهاقولك ايه بس يا امى
انتى الحبيبة وانتى الامان
حواليا ناس كتير احضان
وحضنك انتى اللى هاممنى
وهاقولك ايه بس يا امى
فى جنة الخلد يا غالية
ولقانا فى حياتنا التالية
لحد ما الاقى نصيبى
وفى دورى ربى يختارنى
وهاقولك ايه بس يا امى
ليست هناك تعليقات:
إرسال تعليق